This text is a set of handarz delivered by Ādurbād ī Mahrspendān (or Amahrspendān), in the form of definitions he himself had learned from his teacher Mihrohrmazd, who had learned them in his turn from his teacher Ādarōg.
pārsīg
<az: RP 62>
šnāyišn dādār Ohrmazd, amehrspendān, hamāg yazdān ī mēnōgān ud yazdān ī gētīgān
handarz ī anōšag-ruvān Ādurbād ī Mahrspendān
(1) hāvišt-ē ī anōšagruvān Ādaurbād ī Mahrspendān būd vas rōzgārān abāg Ādurbād būd;
(2) u-š ēn-z bē ō Ādurbād guft kū:
(2) u-š ēn-z bē ō Ādurbād guft kū:
frahang-ē kun-am ī ka az nazdīk ī hērbed frāz šavam, ēg-am hān frahang rāy ruvān veh tuvān!
(3) Ādurbād guft kū:
ped yazdān abēgumān bāš; menišn, gōbišn, kunišn frārōn ud rāst dār; tis-iz vināh mā men, mā gōb, mā kun; ahlō bāš!
(4) hāvišt guft kū:
ped ēn ī hērbed guft nē spurrīg ham, bē-m frahang nāmcištīg gōb dā kunam, ahlō bavam!
(5) Ādurbād guft kū:
hān ī vīst-u-do vāzag ī Mihrohrmazd ī man hērbed az Ādarōg ašnūd, andar kār dār, ud ahlō bāš!
(6) hāvišt guft kū:
agar-am ped arzānīg dārē, framāy guftan dā ašnavam ud kunam!
(7) Ādurbād ped pāsox guft kū vāzag ī ēn:
sē ēvēnag rādīh;
cahārum rāstīh;
panzum hunarāvandīh;
šašum toxšāgīh;
haftum jādaggōbīh;
aštum humihrīh;
nōhum āštxvāhīh;
dahum dādestānīh;
yāzdahum hamīh;
dvāzdahum nihād-snehīh;
sizdahum peymānīgīh;
cahārdahum ērīh;
pānzdahum ērmenišnīh;
šāzdahum vyāxanīh;
haftdahum xvašīh;
aštdahum bavandagīh;
nōzdahum bārestānīh;
vīstum mardōm-dōstīh ud hucašmīh;
vīst-ud-ēk hunsandīh; vīst-ud-duvum ēkīh.
(8) rādīh veh fradum, hān kē-š aziš nē xvāhend bē dahed.
dudīgar, hān kē-š aziš xvāhend ped gyāg bē dahed.
sidīgar, hān kē-š aziš xvāhend, zamān kuned, ped zamān ī kuned bē dahed.
dudīgar, hān kē-š aziš xvāhend ped gyāg bē dahed.
sidīgar, hān kē-š aziš xvāhend, zamān kuned, ped zamān ī kuned bē dahed.
hān veh kū kē ōh dahed kē hagriz andar ōy emēd nē dared kū-m abāz dahed; nē vāzāragānīh vināftan, nē-z nām-kāmagīh rāy dahed.
(9) didīgar cahārum, rāstīh hān baved kē menišn, gōbišn, kunišn abāg yazdān ud abārīg harv dām ī gētīg rāst dāred.
(10) panzum, hunarāvandīh hān baved kē kušišn abāg druz ī mēnōg kuned, ēc druz andar ō tan nē hiled; ped nāmcištīg ēn cahār druz az tan abāz dāred: āz ud xēšm ud varan ud nang.
(11) šašum, toxšāgīh hān baved kē andar harv gāh ud zamān hān mened, gōbed, ud kuned ka ham zamān viderān baved, ēg-iš bīm nēst kū-m tis-ē ī juttar abāyist menīdan, guftan, ud kirdan.
(12) haftum, jādaggōbīh hān baved kē zan ī vēvag, aburnāyag ī gursag, ud ātašān, gāvān, gōspendān, abārīg adavānīgān, nāmcišt ruvān ī xvēš rāy, soxan gōbed.
(13) aštum, humihrīh hān baved kē abāg hamāg dām ī Ohrmazd mihr drust ud ēkānag dāred; mihr abāg kas-iz nē druzed, mihr ī griftag, hān-z ī būdag; nāmcišt abāg ruvān ī xvēš, mihr xūb rāst nigered.
(14) nōhum, āštxvāhīh, dādestān-vinārišn ī gēhān, dāštār ud parvardār ud rāyēnīdār ī hamāg dām ud dahišn. cē az abestāg pēdāg kū: ristāxēz ud tan ī pasēn kirdan ud amargīh vinārdan ped rāh ī āštīh šāyed-būd kirdan.
(15) dahum, dādestānīh hān baved kē ped dād ī yazdān ēsted.
(16) yāzdahum, hamīh hān baved kē ped harv tis frārōn abāg yazdān ud vehān ham baved.
(17) dvāzdahum, nihād-snehīh hān baved kē abāg hamāg dām ī Ohrmazd sneh bē nihed; ud hēnīh abāg kas-iz nē kuned; ped harv tis ī abārōn Ahrmen ud dēvān ud vattarīh jud baved; cē vizīdār-menišnīh ud vizīdār-kunišnīh andar nihād-snehīh baved.
(18) sizdahum, peymānīgīh hān baved kē harv tis bē ō peymān handāzed, kū vēš ud kam andar nē abāyed. cē harv xīr bavendagīh peymān. bē hān tis kē peymānīgīh nēst: dānāgīh ud dōstīh ud kirbag.
(19) cahārdahum, ērīh hān baved kē hamāg dām ī Ohrmazd rāy ēdōn mened kū: hān veh-iz šāyed būdan kū man.
(20) pānzdahum, ērmenišnīh hān baved kē ōy ī aziškeh ped hamāl, ud hamāl ped azišmeh, ud azišmeh ped xvadāy dāred.
(21) šāzdahum, vyāxanīh hān baved kē hunar ud dānišn abzār ī-š nēst, dāned kū-m nēst, ped xvāstan, ō xvēš kirdan abar toxšed, ud zamān ī kār ud dādestān šnāsed; harv dādestān dā zamān ī xvēš frāz nē gīred;
vyāxan mard hanzamanīg, ud tan-gilag-ōbār, ud ahlō baved.
(22) haftdahum, xvašīh hān baved kē ped pēšīh kas nē āzāred; ka-š kas ped zanišn ī ōy ōh šaved, ēg-iš narmīhā ud xvašīhā bē ō pedīrag ēsted; abāg hamāg dām ī Ohrmazd ēdōn bē dāned sāxtan kū-š harv kas ped ē dared kū abāg man xvaštar.
(23) aštdahum, bavendagīh hān baved kē hān ī nē sazed, nē mened ud nē gōbed ud nē kuned; hān ī sazed menīdan, nazdist xūb bē nigered, pas mened ud gōbed ud kuned.
(24) nōzdahum, bārestānīh hān baved kē bār ī ruvān ī ō tan abdast, ka-š škeftīh abar frāz rased, u-š ō kas tuvān spuxtan, nē spōzed, bē bārestānīhā xvad abar pedīred.
(25) vīstum, mardōm-dōstīh hān baved kē nēkīh ī harv vehān ēdōn abāyed cōn hān ī xvēš; hān ī-š ped xvēš tan nē nēk sahed, ped kas nē kuned.
hucašmīh hān baved kē āhōg ud hunar ī kasān bē nigered, az pas ī āhōg ī xvēš vīrāstan toxšed; vehān rāy vehīh āškārag, āhōg ī-šān ast nihānīhā, nē ped sanīh (/dušmenīh), bē ped dōstīh vīrāyed, nē aviš gōbed.
(26) vīst-ud-ēk, hunsandīh hān baved kē xvadāyīh ud xvāstag ī-š ast, u-š aviš mad ēsted, hunsand ud bārestān; ped hān tis kē-š abzāyišn ī ruvān aziš šāyed-būd ēdōn toxšāg ud gyān-abespār ī dā zīndag hagriz aziš hunsand nē baved.
(27) vīst-u-duvum, ēkīh hān do rāh baved ī ped dēn pēdāg kū: rāh bē hān ī do enyā ēc nēst, ēk frārōn, ud ēk abārōn. hān ī abārōn, aziš bē varded. ped hān ī frārōn pediš bē ēsted; hagriz az hān rāh bē nē varded. tis-iz abārōnīh nē mened, nē gōbed, nē kuned.
(28) hāvišt guft kū: hērbed ī xvadāy, ahlō bāš! cē (az) frahang ī hērbed bē kird, …, ped nāmcišt ped amāh ēvāz ēn frahang abzārēnīdārdar ud vaxšēnīdārdar; ud agar az xrad, agar az toxšāgīh ī amāh bē nē māned, ēg amāh ud harvisp mardōm az ēn frahang ka andar kār dārend, ahlō bavend ped yazdān kām, ōz, xvābarīh ud āmurzišnīh.
frazaft ped drūd, šādīh, huramīh ud abēbīmīh.
English
Audio
Made with Bullet