āfrīn ī sīh-rōzag | The blessing of the thirty days of the month

 
This benediction text seems to have belonged to a certain master called Srīd (Av. θrita- pr. n. ‘the third one’) ‒in the end, his pupil invokes blessings on him.
 
 
 

I

 
1. Ohrmazd dahād pādrōz mehdar pāyag ud gāh!
2. Vahman-t xrad dahād vehīg vahman yān /dāšn?/ humenišn bavād hukunišn kū ruvān ×būzāy!
3. Ardvahišt ī huzihr dahād-it uš ud vīr!
4. Šahrēver-t bē dahād az harv ābādag xīr!
5. Spendarmed-it bē dahād spās ped-tan tōhm nārīg-it zan dahād az tōhmag ī vazurgān!
6. Hordad-it bē dahād purrīh ud pedīxīh!
7. Amurdad-it bē dahād ramag ī cahārbāyān!
8. Day, dādār Ohrmazd, hamēšag pušt pāyād!
9. rōšn burz Ādur ped vahišt-it karād gāh!
10. Ābān-t bē dahād az harv ābādag xīr!
11. Xvar-t karād brāzāg ped meyān hambidīgān!
12. Māh-it abāgīh dahād kē pādrōz xvāzāy /xvābarīh?/!
13. Tištar-t raftār karād ped haft kišvar būm!
14. Gōšurvan amehrspend pānag ī cahārbāyān pahān!
15. Day, dādār Ohrmazd, hamēšag pušt pāyād!
16. Mihr-t dādvar bavād kē-t ast kām!
17. Srōš ī ahlavī, vānīdār ī dēvān, Āz ud Xēšm ud niyāz (×hēz) az tō dūr dārād ud kušād ī ō tō mā karānd abēdād!
18. Rašn-t parvānag bavād ō vahišt ī bāmīg!
19. Fravardīn-t frazend dahād kē tōhmag (kē-t?) barād nām!
20. Vahrām ī pērōzgar frayādāg ī razmāh!
21. Rām ī xvābar (xvārum?) xvadāy stāyīdār ī yānān (/stadār ī gyānān?/) āfrīn-t spurr (/abēr?/) karād kū tirēst sāl zīvāy amarg ud azarmān ped frazāmišn ī rōz!
22. Vād-it drūd āvarād az vahišt ī bāmīg!
23. Day, dādār Ohrmazd, hamēšag pušt pāyād!
24. Dēn-t mehmān bavād ped tō mēhan ud mān!
25. Aršišvang ī huzīr kayān xvarrah bām!
26. Aštād-it ayyār bavād kē pādrōz xvāzāy (/xvābarīh?/)!
27. Asmān-t bē stāyād ped harv hunar ud xīr!
28. Zamyād-it bē zanād dēv ud druz az tō mān!
29. Mārspend-it gāh karād ped vahišt ī bāmīg!
30. Anērān ī anōšag ped harv xīr ayyār vindādkāmag bavād vispān yazdān kē āyād kū šavād ud tō pērōz vindāy!
baxt-it ayyār bavād spihr pāsebān, ō ēn-um harv amehrspend kē (man) nām burd hed harvīn-t ayyār bavād ped harv kirbag ud kār!
 
āfrīn ō Srīd avestād, dagr zīvād! šahr ābādag bavād, hamāg šādīh ud rāmišn, harv kas xvār bavād ped kāmag ī xvābar Ohrmazd.
 
 
 
 

II

 
  1. Ohrmazd dādārdar; Vahman cābukdar; Ardvahišt vizīdārdar; Šahrever kirdārdar; Spendarmed bavandagdar; Hurdād carbdar; ud Amurdād barumanttar.
  1. Day ārzōgumanttar; Ādur tābišnīgdar; Ābān bāmīgdar; Xvar brāzāgdar; Māh varzāvanttar; Tīr rāttar; ud Gōš niyūšīdārdar.
  1. Day-ped-Mihr cōn Ohrmazd; Mihr dādvardar; Srōš tagīgdar; Rašn rāsttar; Fravardīn tuvāngardar; Vahrām pērōzgardar; Rām rāmišnīgdar; ud Vād hubōydar.
  1. Day ēdōn cōn Ohrmazd; Dēn arzumanttar; Ard huzihrdar; Aštād pāktar; Asmān bulanttar; Zamyād frazāmīgdar; Mahrspend dēnburdārdar; ud Anērān abzōnīgīhā ud nēkīhā.

frazaft ped drūd, šādīh bavād!